გვარდიოლა: "უკვე ბევრჯერ მოხდა, როდესაც მოგებული თამაში ბოლო წუთებზე წავაგეთ"

ჩემპიონთა ლიგის პლეი-ოფის პირველ მატჩში, მანჩესტერ სიტიმ საკუთარ კედლებში რეალი მიიღო და დრამატულ ბრძოლაში 2-3 დამარცხდა. შეხვედრის შემდეგ, კომენტარი სიტის თავკაცმა, პეპ გვარდიოლამ გააკეთა.

"დღეს ბევრი კარგი მომენტი შევქმენით, მაგრამ მთავარი მატჩის შედეგია და ამაზე მოგვიწევს საუბარი. წელს უკვე ბევრჯერ მოხდა, როდესაც მოგებული თამაში ბოლო წუთებზე წავაგეთ — სპორტინგთან, ბრენტფორდთან, მანჩესტერ იუნაიტედთან."

"რეალი ყოველთვის საუკეთესო ფეხბურთს თამაშობს ჩვენს წინააღმდეგ და არც დღეს იყო გამონაკლისი, ამიტომ არ ვარ გაბრაზებული გუნდზე. ვიცოდით თუ რა დონის მეტოქეს ვეთამაშებოდით და ამ დროს განსაკუთრებით რთული მისაღებია ბოლო მომენტში წაგებული მატჩი. წინ განმეორებით შეხვედრაა და ყველაფერს გავაკეთებთ წარმატების მისაღწევად" — განაცხადა ესპანელმა სპეციალისტმა.

მადრიდის რეალის და მანჩესტერ სიტის განმეორებითი მატჩი 19 თებერვალს, სანტიაგო ბერნაბეუზე გაიმართება.