"ჰამბურგის დირექტორები ჩაკვეტაძეზე ჯერ კიდევ ლევერკუზენში და ჰოფენჰაიმში მუშაობისას ფიქრობდნენ", - Bild
როგორც მოგეხსენებათ, გიორგი ჩაკვეტაძე "გენტიდან" "ჰამბურგში" გადავიდა. Bild-ის ცნობით, ქართველი შემტევი ნახევარმცველით კიდევ ორი გერმანული კლუბი ინტერესდებოდა:
"ჰამბურგამდე, ბოლდტი მუშაობდა ლევერკუზენში, მუტცელი კი ჰოფენჰაიმში. ორივე მათგანს თავიანთ კლუბებში სხვადასხვა დროს ჩაკვეტაძის გადმობირება სურდათ.
მის სახელს ბაიერნსა და ბარსელონასაც უკავშირებდნენ, თუმცა საბოლოოდ, გიორგი გენტში აღმოჩნდა. გავიდა რამდენიმე წელი და მან გერმანიამდე მაინც მოაღწია", - წერს Bild-ი.
აღსანიშნავია, რომ ბელგიური კლუბის საკუთრებაში მყოფ გამთამაშებელზე კომენტარი პირადად მუტცელმაც გააკეთა - "ჩაკვეტაძე მრავალმხრივი შემტევი მოთამაშეა, ტექნიკურად ძლიერი და გოლების გატანის თვისებით.
ჰამბურგი მის პროგრესს 2019 წლიდან აკვირდებოდა. გიორგის დახმარებით, ჩვენი შესაძლებლობები შეტევაში კიდევ უფრო მრავალფეროვანი გახდება", - აცხადებს გერმანელი.
