ავტორიზაცია
ჰანსი ფლიკი ლეო მესიზე: დიდი პატივია, რომ ყველა დროის საუკეთესო ფეხბურთელი ბარსელონაზე ასე საუბრობს
ცოტა ხნის წინ, ბარსელონას არგენტინელმა ლეგენდამ, ლიონელ მესიმ ჰანსი ფლიკის ბარსა შეაქო, რასაც ახლა თავად კატალონიური კლუბის გერმანელი მწვრთნელი გამოეხმაურა.
"დიდი პატივია, რომ ლეო მესი - ყველა დროის საუკეთესო ფეხბურთელი - ბარსაზე ასე საუბრობს. გვიხარია, რომ ის გუნდს თვალს ადევნებს. ჩვენთვის ბევრს ნიშნავს, რომ ლეო ახალგაზრდებზე კარგ სიტყვებს არ იშურებს," - განაცხადა ჰანსი ფლიკმა.
ლეგენდარულმა არგენტინელმა აღნიშნა, რომ ჰანსი ფლიკის ბარსელონა შესანიშნავად თამაშობს და ეს არც უკვირს. ლეომ ასევე ხაზი გაუსვა, რომ წლების განმავლობაში შანსი ბევრ ახალგაზრდას მიეცა, რაც დიდებულია, რადგან ისინი კლუბს ყველაზე კარგად იცნობენ და ბავშვობიდან ამ სტილით იზრდებიან.
