"ჰანსი ფლიკმა ჩემი ბარსელონური კარიერა გადაარჩინა" | რაფინია ბელოლი

ბარსელონასა და ბრაზილიის ნაკრების ერთ-ერთმა ლიდერმა, რაფინია ბელოლიმ თავისი კარიერის რთული პერიოდი გაიხსენა.

ჩემს ცოლს ვესაუბრე და ვუთხარი: "თუ ეს ადამიანი სამართლიანია და სავარჯიშო სესიებზე ჩემს მონდომებას ხედავს, ერთ კვირაში დავანახებ, რომ არ ცდება და არ ინანებს. და, ვფიქრობ, მართალი აღმოვჩნდი," — ციტირებს ბრაზილიელის სიტყვებს Globo Esporte.

რაფინია ბარსელონაში 2022 წელს გადავიდა და ჩავი ერნანდესის ხელში გუნდში თავის დამკვიდრება გაუჭირდა, მაგრამ ჰანსი ფლიკის ხელმძღვანელობით ის ნამდვილ მონსტრად გადაიქცა - ბრაზილიელი მსოფლიოში ერთ-ერთი საუკეთესო ფეხბურთელია და შეგვიძლია, ვთქვათ, რომ ოქროს ბურთის მოგების მთავარი კანდიდატიცაა.

მიმდინარე სეზონში, საკლუბო და სანაკრებო დონეზე, რაფინიას ანგარიშზე 47 მატჩი, 31 გოლი და 21 ასისტია.

დღეს, კოლუმბიასთან დაპირისპირებაში, რაფინიამ შეხვედრის სტარტზე გოლი გაიტანა, მატჩის მიწურულს კი ვინისიუსს საგოლე გადაცემა გაუკეთა და ბრაზილიას მოგებაში დაეხმარა.