ჰარი კეინმა დორტმუნდთან შეხვედრაში ტრავმა მიიღო

ბაიერნის ერთ-ერთმა ლიდერმა, ჰარი კეინმა ბუნდესლიგის მე-12 ტურში, დორტმუნდთან შეხვედრაში ტრავმა მიიღო და მოედნის ნაადრევად დატოვება მოუწია.

ინგლისელმა მატჩის 33-ე წუთზე დისკომფორტი იგრძნო და ტომას მიულერმა შეცვალა. ჯერჯერობით, მისი დაზიანების სიმძიმის შესახებ ოფიციალური ინფორმაცია არ გვაქვს.

"ჰარი ამბობს, რომ ძალიან ცუდი მდგომარეობა არაა. იმედია, ასეცაა. დღეს მას გამოკვლევა ჩაუტარდება და ვნახოთ, რა მოხდება," - განაცხადა "რეკორდმაისტერის" მთავარმა მწვრთნელმა, ვენსან კომპანიმ.

თუ კეინს სერიოზული ტრავმა აქვს, ეს ბაიერნისთვის დიდი დარტყმა იქნება. ჰარი გუნდის შეტევის ლიდერია - მიმდინარე სეზონში მის ანგარიშზე 18 მატჩი, 20 გოლი და 9 ასისტია.

ბაიერნსა და დორტმუნდს შორის დღეს გამართული დაპირისპირება 1-1 დასრულდა: 27-ე წუთზე ჯეიმი ბაინო-გიტენსმა ანგარიში გახსნა, 85-ე წუთზე კი ჯამალ მუსიალამ წონასწორობა აღადგინა.