ჰენდერსონი საუდის არაბეთს ტოვებს - ინგლისელის ახალი გუნდი ცნობილია

ალ-იტიფაკის ცენტრალური ნახევარმცველი, ჯორდან ჰენდერსონი ევროპულ ფეხბურთში დაბრუნებასთან იმყოფება პრაქტიკულად ერთ ნაბიჯში, წერს The Athletic-ი.

ინგლისელმა ჰავბეკმა უკვე მიაღწია შეთანხმებას დამამურ კლუბთან ამჟამინდელი ხელშეკრულების გაწყვეტის თაობაზე. ისმის კითხვა - სად გადავა ლივერპულის ექს-კაპიტანი?

თუ რაიმე გაუთვალისწინებელი არ მოხდა, 33-წლის შუახაზელი კარიერას ამსტერდამის აიაქსში გააგრძელებს. ბრიტანელ ნახევარმცველს "ებრაელებთან" სიტყვიერი შეთანხმება უკვე აქვს.

ჰენდერსონით ასევე ინტერესდებოდა ტურინის იუვენტუსი, თუმცა "ღმერთის შვილებმა" უფრო ოპერატიულად იმოქმედეს. შეგახსენებთ, რომ ინგლისელმა არაბეთში მოასწრო 17 მატჩის ჩატარება, რომელშიც 4 ასისტი მიითვალა.