ჰოფენჰაიმი 2-2 ლიონი | რა შეფასება მიიღო გიორგი მიქაუტაძემ?

47-ე წუთზე ვალენტინ ჟენდრიმ ჰოფენჰაიმი დააწინაურა. ამის შემდეგ, 66-ე წუთზე ლიონმა აბნერის გოლით ანგარიში გაათანაბრა, 94-ე წუთზე კი ალექსანდრ ლაკაზეტმა ფრანგები წინ გაიყვანა, მაგრამ 96-ე წუთზე უმუთ თოჰუმჩუმ გერმანელებს ქულა გადაურჩინა.

ლიონის შემადგენლობაში, გიორგი მიქაუტაძემ მოედანზე 61 წუთი გაატარა და კარში ერთხელ დაარტყა, თუმცა ოლივერ ბაუმანმა ბურთი მოიგერია. მან 5 მცდელობიდან 4 დრიბლინგი წარმატებულად განახორციელა. ქართველმა ცენტრფორვარდმა Sofascore-ისგან 7.0-ქულიანი შეფასება დაიმსახურა.

ლიონი მომდევნო ტურში ყარაბაღს დაუპირისპირდება (28 ნოემბერი, 21:45).