ავტორიზაცია
"ჰქონდა სხვა ვარიანტები, თუმცა არჩევანი შტურმის სასარგებლოდ გააკეთა", - ავსტრიული კლუბი კიტეიშვილის შესახებ
როგორც მოგეხსენებათ, "შტურმ გრაცის" შემტევმა ნახევარმცველმა, ოთარ კიტეიშვილმა თავის ამჟამინდელ კლუბთან კონტრაქტი 2024 წლამდე გაახანგრძლივა.
ქართველი ფლეიმეიქერის დარჩენასთან დაკავშირებით კომენტარი გააკეთა ავსტრიული კლუბის გენერალურმა მენეჯერმა, ანდრეას შიკერმა:
"კიტეიშვილი შტურმის უმნიშვნელოვანესი ფეხბურთელია. მის დრიბლინგსა და პასებს ნებისმიერი მატჩის ბედის გადაწყვეტა შეუძლია.
ქართველი შემტევი ნახევარმცველი არის ავსტრიის ჩემპიონატის ერთ-ერთი საუკეთესო ფეხბურთელი და სასიხარულოა ის ფაქტი, რომ სხვა ვარიანტების მიუხედავად, არჩევანი მან მაინც ჩვენი კლუბის სასარგებლოდ გააკეთა".
"შავ-თეთრების" გამთამაშებელი ავსტრიაში თამაშობს 2018 წლიდან და ამ დროის განმავლობაში მან მოასწრო 87 შეხვედრის ჩატარება და 16 გოლის გატანა.
