ავტორიზაცია
იამალის მორიგი პოსტი — ვან დერ ვაარტთან დაპირისპირება გრძელდება
ესპანეთისა და ნიდერლანდების დაპირისპირებამდე, ვეტერანმა ნიდერლანდელმა ფეხბურთელმა, რაფაელ ვან დერ ვაარტმა ლამინ იამალი გააკრიტიკა.
"იამალის ქმედებები მაღიზიანებს. მას შორტი ძალიან დაბლა აქვს ჩამოწეული, ბევრს არ ინდომებს და ზედაპირული ჟესტები ახასიათებს.... როცა ახალგაზრდა ხარ, ესპანეთის ნაკრებში ნათამაშები თითოეული წუთით ბედნიერი უნდა იყო. ეს უნდა აჩვენო," - განაცხადა ვან დერ ვაარტმა.
განმეორებით მატჩში იამალმა ნიდერლანდებს გაუტანა და გოლი ნიკო უილიამსთან ერთად ისე აღნიშნა, რომ აშკარად რაფაელს უპასუხა. ამასთან, ლამინმა, შეხვედრის დასრულების შემდეგ, ფოტო გამოაქვეყნა კიდეც, წარწერით: "შორტები დაბლა, გოლი, გაფუჭებული პენალტი და ნახევარფინალი. ჰეჰეჰეჰე, წინ ესპანეთი!"
ვან დერ ვაარტმა იამალს შემდეგნაირად უპასუხა: "ლამინი ძალიან კარგი ფეხბურთელია, მაგრამ მას ვურჩევდი, რომ მსუქანი ვეტერანების აზრებზე არ იდარდოს. როცა 17 წლის ასაკში ასეთ ქებას იღებ, გგონია, სამყარო შენს გარშემო მოძრაობს. მისი პოსტი არ მაწუხებს."
შემდეგ კი იამალმა ეს ფოტო გამოაქვეყნა:
