იაპონიამ მეორე სენსაცია დაამყარა და ჯგუფიდან პირველი ადგილით გავიდა, ესპანეთმა კი ამ წაგებით სახლში გერმანია გაუშვა

მსოფლიო ჩემპიონატის E ჯგუფის მატჩებში სიტუაცია ძალიან დრამატულად წარიმართა.

პარალელურად ორი შეხვედრა გაიმართა, იაპონია - ესპანეთი და კოსტა რიკა - გერმანია.

იაპონია 2-1 ესპანეთი

კოსტა რიკა 2-4 გერმანია

გერმანიამ თავისი ამოცანა ამ შეხვედრაში შეასრულა, მატჩი მოიგო და შემდეგ ეტაპზე გასასვლელად სჭირდებოდა, რომ ესპანეთი პარალელურ შეხვედრაში არ დამარცხებულიყო. თუმცა, „ფურია როხა“ იაპონიასთან დამარცხდა, ჯგუფში მე-2 ადგილი დაიკავა და გერმანია შინ გაუშვა.

გადამწყვეტი ესპანეთის კოსტა რიკასთან 7:0 მოგებული შეხვედრა გამოდგა, რის ხარჯზეც გუნდმა გოლების შეფარდება მაქსიმალურად გაიუმჯობესა.

იაპონიამ კი გერმანიის შემდეგ ჯგუფში ესპანეთიც დაამარცხა და შემდეგ ეტაპზე პირველი ადგილით გავიდა.