ავტორიზაცია

იასპერ სილესენი ლა ლიგაში ბრუნდება

იასპერ სილესენი ლა ლიგაში ბრუნდება
თარიღი 19 ივნ 2024, 16:27
აიაქსისა და ბარსელონას ყოფილი მეკარე, იასპერ სილესენი კარიერას ლას პალმასში გააგრძელებს.

ნიდერლანდელი ფეხბურთელი გუნდში ალვარო ვალიესის შემცვლელად მიდის, რომელიც გასულ სეზონში ლა ლიგის ერთ-ერთი საუკეთესო მეკარე იყო. მისმა აგენტმა კლუბს შეატყობინა, რომ ახალი კონტრაქტის გაფორმებას არ აპირებენ.

სილესენისთვის ლას პალმასი მესამე ესპანური კლუბი იქნება. იასპერი 2016 წელს ბარსაში გადავიდა, 3 წლის შემდეგ კი ვალენსიას შეუერთდა. 2022 წელს ნიდერლანდელი სამშობლოში დაბრუნდა და ნაიმეგენის წევრი გახდა, ახლა კი კვლავ პრიმერა დივიზიონში ითამაშებს.

იასპერი მომდევნო სეზონში კანარული გუნდის სასტარტო მეკარე იქნება, ვალიესი კი ბეტისში გადავა.