იბრაჰიმოვიჩმა აღნიშნა, კონკრეტულად ვისზეა დამოკიდებული მისი მილანში დარჩენის საკითხი

ზლატან იბრაჰიმოვიჩს სჯერა, რომ „მილანს“ სკუდეტოსთვის ბრძოლის ძალა ჯერ კიდევ შესწევს.

ამჟამად, „ინტერი“ სატურნირო ცხრილში თავის თანაქალაქელ მეტოქეს 6 ქულით უსწრებს. 

„სკუდეტო? წინ ბევრი მატჩია, თუმცა „ინტერს“ კვირაში ერთხელ თამაში დიდ უპირატესობას აძლევს. „მილანში“ მხოლოდ გამარჯვებებისთვის ჩამოვედი.

დავრჩბი თუ არა „მილანში“? ვნახოთ, ეს პაოლო მალდინიზეა დამოკიდებული. თუ ის ამას მოისურვებს, ჩვენ მზად ვართ.“ - აღნიშნა ზლატანმა.

გავრცელებული ინფორმაციით, შვედმა ნაკრებში დაბრუნებაც გადაწყვიტა და დიდი ალბათობით, საქართველოს ნაკრებთან 25 მარტს გასამართ შეხვედრაშიც მიიღებს მონაწილეობას.