"იმედი მაქვს, რომ იტალიის ჩემპიონატში უფრო და უფრო მეტი ქართველი ითამაშებს "- ლუკა ლოჩოშვილი

ლოჩოშვილი 78-ე წუთამდე მოედანზე იყო, შემდეგ კი დანიელ ჩოფანიმ შეცვალა.

საქართველოს ნაკრების მცველმა მატჩის შემდეგ DAZN-თან კომენტარი გააკეთა. 

"მე და კვარაცხელია დინამოს აკადემიაში ერთად ვიყავით, კარგი მეგობრები ვართ. ზოგადად, საქართველოში ბევრი საინტერესო ახალგაზრდა ფეხბურთელია. 

ძალიან ბედნიერი ვარ, რომ მე და კვარა სერია A-ში ვთამაშობთ. იმედი მაქვს, რომ იტალიის ჩემპიონატში უფრო და უფრო მეტი ქართველი ითამაშებს", - თქვა ლოჩოშვილმა.

შეგახსენებთ, რომ ლუკა ლოჩოშვილმა სერია A-ს მიმდინარე სეზონში 12 მატჩი ჩაატარა და ერთი საგოლე პასი გააკეთა.