ინგლისური ფინალი ევროპა ლიგაზე — მანჩესტერ იუნაიტედი V ტოტენჰემი

თარიღი: 09 May 2025, 02:43

უეფას ევროპა ლიგის 1/2 ფინალური ეტაპის განმეორებითი მატჩები სენსაციების გარეშე დასრულდა — მანჩესტერ იუნაიტედმა და ტოტენჰემმა პირველ შეხვედრაში მოპოვებული უპირატესობები შეინარჩუნეს და ფინალში გავიდნენ.

მანჩესტერ იუნაიტედმა საკუთარ კედლებში ბილბაოს ატლეტიკი მიიღო, მეტოქე 4-1 დაამარცხა და ორი მატჩის ჯამში (7-1) ფინალის საგზური მოიპოვა. ტოტენჰემმა კი ბოდო/გლიმტს გასვლაზე 2-0 აჯობა (ორი მატჩის ჯამში 5-1) და ფინალში გავიდა.

Your 2025 #UEL finalists ✨ pic.twitter.com/8rdPHSKOQT
— UEFA Europa League (@EuropaLeague) May 8, 2025

ევროპა ლიგის გარდა, დღეს კონფერენს ლიგის ფინალისტებიც გაირკვა — თასისთვის ერთმანეთს ჩელსი და ბეტისი შეხვდებიან. ლონდონებმა დიურგორდენს პირველ მატჩში 4-1, ხოლო განმეორებითში 1-0 მოუგეს. ესპანელებმა კი ფიორენტინას ბარიერი დამატებულ დროში გადალახეს (ორი მატჩის ჯამში 3-4) და ფინალში გავიდნენ.