ინტერმა ტრავმის გამო ნახევარდაცვის ერთ-ერთი ლიდერი დაკარგა

ინტერმა სერია ა-ს მე-8 ტურში ტრავმის გამო ერთ-ერთი წამყვანი მოთამაშე, ჰენრიკ მხითარიანი დაკარგა. როგორც იტალიური პრესა იტყობინება, 36 წლის სომეხმა ფეხბურთელმა მარცხენა ფეხის კუნთის დაზიანება მიიღო, რის გამოც, სავარაუდოდ, 4-დან 6 კვირამდე იუქმებს.

ჰენრიკ მხითარიანი კრისტიან კივუსთვის შეუცვლელი მოთამაშეა, შესაბამისად, მისი ამ დროით გამოკლება მილანურ კლუბს მნიშვნელოვნად დააზარალებს. ფეხბურთელის რეაბილიტაციის პროცესი უკვე დაწყებულია.

შეგახსენებთ, რომ ნერაძური იტალიის ჩემპიონატში 15 ქულით მეოთხე პოზიციაზეა, ჩემპიონთა ლიგაზე კი 3 მატჩის შემდეგ 9 ქულით მესამე ადგილს იკავებს.