ავტორიზაცია
ინტერმა ვიდალის გაშვება გადაწყვიტა — ჩილელმა ორი კლუბისგან შეთავაზება უკვე მიიღო
"ინტერი" ნახევარმცველ არტურო ვიდალთან განშორებას გეგმავს, იტყობინება ცნობილი იტალიური გამოცემა La Gazzetta dello Sport.
34 წლის ფეხბურთელის ხელფასი "ნერაძურისთვის" ზედმეტად მაღალია - ჩილელი წლიურად 6,5 მილიონ ევროს გამოიმუშავებს.
"ინტერი" სამხრეთამერიკელთან კონტრაქტის გაწყვეტის შესაძლებლობას განიხილავს.
ვიდალმა ორი კლუბისგან შეთავაზება უკვე მიიღო - "ბოკა ხუნიორსისგან" და "ფლამენგოსგან". თუმცა, როგორც აღინიშნება, არტუროს ევროპაში დარჩენა უნდა.
გასულ სეზონში გამოცდილმა ჩილელმა "ნერაძურის" რიგებში 30 მატჩი ჩაატარა, 2 გოლი გაიტანა და ამდენივე ასისტიც მიითვალა.
