ირაკლი აზაროვის გუნდი გაზპრომ არენაზე ზენიტის წინააღმდეგ ითამაშებს

ამის შესახებ ინფორმაციას "ზენიტის" ოფიციალური ვებ-გვერდი ავრცელებს.  სერბულ და რუსულ კლუბებს შორის “გაზპრომ არენაზე” ამხანაგური თამაშის გამართვის თაობაზე შეთანხმება უკვე მიღწეულია. მატჩი 2022 წლის 22 ნოემბერს არის ჩანიშნული.

ზოგადად "ზენიტს" და "ცრვენა ზვეზდას" მრავალწლიანი მეგობრობა აკავშირებთ და დიდი ხანია თანამშრომლობენ.

გუნდებმა ივლისშიც ჩაატარეს საჩვენებელი შეხვედრა, რომელიც სოჭის სტადიონზე 3 ივლისს გაიმართა და "ზენიტის" გამარჯვებით, ანგარიშით 2:1 დასრულდა.

შეგახსენებთ, რომ უკრაინაში რუსეთის შეიარაღებული ძალების შეჭრის შემდეგ, რუსეთის ნაკრებებსა თუ კლუბებს FIFA-ს და UEFA-ს საერთაშორისო ტურნირებში მონაწილეობა შეზღუდული აქვთ.  

აზაროვმა სერბეთის კლუბთან კონტრაქტი 2026 წლის ზაფხულამდე გააფორმა. ქართველმა ამ დრომდე სერბეთის სუპერლიგის მხოლოდ 2 მატჩში ითამაშა.