ავტორიზაცია
"ის კოშმარი იყო" | პეტრ ჩეხმა ყველაზე რთული მეტოქე დაასახელა
ჩელსის ლეგენდარულმა ვეტერანმა მეკარემ, პეტრ ჩეხმა ყველაზე რთული მეტოქე დაასახელა, ვის წინააღმდეგაც უთამაშია.
"რუნი ყველაზე ძლიერი იყო. ვფიქრობდი: "ოჰ, მის წინააღმდეგ თამაში ყოველთვის კოშმარია." მას შეეძლო გოლი ცენტრიდანაც კი გაეტანა, დაუნდობელი იყო და ყველგან იმყოფებოდა - მოდიოდა, აპრესინგებდა, ნახევარ წამსაც კი არ გაცდიდა.
სწორედ ამიტომ, მის წინააღმდეგ გასამართ მატჩამდე მეკარეების მწვრთნელიც კი ემზადებოდა. ის ყოველთვის მეუბნებოდა: "რუნი თამაშობს, მას ყველაფერი შეუძლია." მე კი ვპასუხობდი: "კი, სამწუხაროდ. ის ყველაფერს ამჩნევს."
სხვების წინააღმდეგ თამაშისას ბევრი გზა არსებობს, მაგრამ, ზოგადად, როცა ტოპ ფეხბურთელებს უპირისპირდები, ისინი გამოსავალს ყოველთვის პოულობენ და ეს გამოწვევაა," — პეტრ ჩეხი.
ჩეხსა და რუნის ერთმანეთის წინააღმდეგ 27-ჯერ უთამაშიათ (ჩელსი-მანჩესტერ იუნაიტედისა და არსენალი-ევერტონის დაუპირისპირებებში): 11 მატჩი პეტრმა მოიგო, 10 - უეინმა, 6 შეხვედრა კი ფრედ დასრულდა. ჩეხმა რუინისგან 11 გოლი გაუშვა.
