ისინი, ვინც ნაკრებში ვერ მოხვდნენ - ვინ იქნებიან საქართველოს 21-წლამდე ნაკრებში?

აღსანიშნავია, რომ სანაკრებო სიაში რამდენიმე ისეთი მოთამაშე ვერ მოხვდა, ვინც წინა შეკრებებზე იყვნენ გამოძახებული.

სავარაუდოდ, ამის მიზეზი ისაა, რომ ამ ფეხბურთელებს 21-წლამდელთა ევროპის ჩემპიონატზე ვიხილავთ.

მაგალითად, ასეთები არიან: საბა საზონოვი, გიორგი წიტაიშვილი, ანზორ მექვაბიშვილი, გაბრიელ სიგუა.

ეროვნულ ნაკრებშიც არიან ისეთი ფეხბურთელები, ვისაც 21-წლამდე ევროპის ჩემპიონატზე შეუძლიათ თამაში და ეროვნული ნაკრების მატჩების შემდეგ, მათ 21-წლამდეში გადასვლა უპრობლემოდ შეეძლებათ.

საქართველოს ეროვნული ნაკრები ევროპის ჩემპიონატის საკვალიფიკაციო ეტაპის მატჩებს 17 და 20 ივნისს, კვიპროსისა და შოტლანდიის წინააღმდეგ გამართავენ.

21-წლამდელთა ევროპის ჩემპიონატი კი 21 ივნისს იწყება, ჩვენს ჯგუფში პორტუგალიის, ნიდერლანდებისა და ბელგიის ნაკრებები არიან.