ისრაელში მყოფი ლევან კუტალიას კიდევ ერთი განცხადება: "ძალიან რთული ღამე გადავიტანეთ"

სამშაბათს საღამოს პალესტინელებმა ისრაელის ტერიტორიას 130-ზე მეტი რაკეტა ესროლეს. მედია იტყობინება მსხვერპლის შესახებ, მაგრამ მათი ზუსტი რიცხვი არ არის დაზუსტებული.

Goal.ge-სთან საუბარში ისრაელში მცხოვრებმა "ჰაპოელ ულ-ჰამის" თავდამსხმელმა, ლევან კუტალიამ განაცხადა შემდეგი - "გვბომბავენ! ახლა ოჯახის წევრებთან ერთად ბუნკერში ჩავედით, ინტერნეტიც წესიერად აღარ იჭერს. ღმერთო გადაგვარჩინე და დაგვიფარე".

მოგვიანებით კი ქართველმა ფორვარდმა თავის სოციალურ ქსელში საჯარო კომენტარიც გააკეთა - "დიდი მადლობა ყველას მეგობრებო თბილი სიტყვებისთვის, გამხნევებისთვის, კეთილი სურვილებისთვის. ბევრი სმს მომივიდა და ძალიან დიდი მადლობა ყველას მეგობრებო, გაიხარეთ.

ძალიან რთული ღამე გადავიტანეთ იმედი გვაქვს დალაგდება სიტუაცია მთლიანად ისრაელში. ერთი მინდა ვთქვა ძალიან მაგარი სახელმწიფოა".

შეგახსენებთ, თბილისის "დინამოს" ყოფილი შემტევი ისრაელში გადავიდა გასული წლის ზაფხულში, თავდაპირველად "ჰაპოელ თელ-ავივში", მოგვიანებით კი ულ-ჰამში.

31-წლის წინახაზელმა მოასწრო 18 შეხვედრის ჩატარება და 8 გოლის გატანა. გამოსარჩევია "ჰაპოელის" მე-19 ნომრის ჰეტ-ტრიკი იხსალელთა კარში, მიმდინარე წლის 12 თებერვალს.

"გვბომბავენ, ბუნკერებში ჩავედით" - ლევან კუტალია ომის ეპიცენტრშია

ორივე ეფექტური გოლი იყო - ლევან კუტალიას დუბლი ისრაელში