ისტორიაში მხოლოდ ორმა გუნდმა შეძლო — არსენალის რთული მისია

ჩემპიონთა ლიგის 1/2 ფინალური ეტაპის პირველ მატჩში, არსენალმა საკუთარ მოედანზე პსჟ მიიღო და მინიმალური ანგარიშით, 0-1 დამარცხდა.

ლონდონში მოპოვებული გამარჯვებით, განმეორებითი შეხვედრის წინ, პარიზულმა კლუბმა მნიშვნელოვანი უპირატესობა მოიპოვა და ფინალისკენ დიდი ნაბიჯი გადადგა.

აღსანიშნავია, რომ ჩემპიონთა ლიგის ისტორიაში, 1/2 ფინალურ ეტაპზე პირველ საშინაო მატჩში განცდილი მარცხის შემდეგ, მხოლოდ ორმა გუნდმა შეძლო ფინალში გასვლა — აიაქსმა (1995/96) და ტოტენჰემმა (2018/19).

პარი სენ ჟერმენის და არსენალის მეორე დაპირისპირება 7 მაისს, თბილისის დროით 23 საათზე დაიწყება.