იტალია, საუდის არაბეთი და მოურინიო - რომელუ ლუკაკუს 3 ვარიანტი აქვს

CaughtOffside-ის ინფორმაციით, რომელუ ლუკაკუთი რამდენიმე ევროპული და საუდის კლუბია დაინტერესებული.

წყაროს ცნობით, მილანმა ბელგიელ ფეხბურთელთან პოტენციური იჯარის თაობაზე მოლაპარაკებები დაიწყო, მაგრამ მის დამატება ფენერბაჰჩესაც სურს, რომელსაც რომელუსთვის კარგად ნაცნობი ჟოზე მოურინიო წვრთნის.

მილანს ლუკაკუს იჯარით აყვანა ურჩევნია, საუდის პრო ლიგის გუნდები კი მზად არიან, ლონდონის ჩელსის მოთხოვნები დააკმაყოფილონ. ბელგიელი საუდის არაბეთში გადასვლაზე თანახმაა, მაგრამ პრიორიტეტს სერია ა-ში დარჩენას ანიჭებს.

ლუკაკუმ გასული სეზონი იჯარით რომაში გაატარა. მან იტალიის ჩემპიონატში 32 მატჩში 13 გოლი და 3 ასისტი მიითვალა.