იტალიის ფეხბურთის ფედერაციამ ლუკა ლოჩოშვილი მკაცრად დასაჯა

პალერმოსთან მატჩის დასრულების შემდეგ, ქართველ ფეხბურთელს მსაჯთან სიტყვიერი შეკამათება მოუვიდა, რის გამოც წითელი ბარათი მიიღო — სადისციპლინო კომიტეტმა კი აღნიშნული ინციდენტი შეისწავლა და ლუკა ლოჩოშვილი 4 მატჩიანი დისკვალიფიკაციით დასაჯა.

აღნიშნული დისკვალიფიკაციის გამო, 26 წლის ქართველი ცენტრალური მცველი გუნდს სასუოლოსთან, სპეციასთან, კატანძაროსთან და ბრეშასთან მატჩებში ვერ დაეხმარება. ცნობისთვის, სამი ტურის შემდეგ კრემონეზეს 3 ქულა აქვს და მე-13 ადგილზე იმყოფება.