იტალიის სერია B-ს გუნდი გიორგი კვერნძის ტრანსფერით ინტერესდება

საქართველოს ახალგაზრდული ნაკრებისა და ბათუმის "დინამოს" 20 წლის ფეხბურთელმა გიორგი კვერნაძემ მომავალი სეზონი, შესაძლოა, იტალიურ "ფროზინონეში" დაიწყოს. ამის შესახებ Tuttomercatoweb იტყობინება.
"ფროზინონეს" სერია B-ში 31 ტურის შემდეგ 63 ქულა აქვს და ჩემპიონატს ერთპიროვნულად ლიდერობს.
აღსანიშნავია, რომ სერია B-ს დასრულებამდე 7 ტური რჩება, "ფროზინონეს" მესამე ადგილთან უპირატესობა კი 10 ქულას შეადგენს.
კვერნაძემ ეროვნული ლიგის მიმდინარე გათამაშებაში ბათუმის "დინამოს" მაისურით 4 მატჩი ჩაატარა.