იტალიური გუნდი გიორგი მიქაუტაძის ტრანსფერზე მუშაობს

იტალიურ მედიაში გავრცელებული ინფორმაციის თანახმად, ლიონის ქართველ თავდამსხმელს, გიორგი მიქაუტაძეს სერია ა-ში მსურველი გამოუჩნდა.

24 წლის ფეხბურთელის დამატება რომას იანვარშივე სურს და ოფიციალურ შეთავაზებას ამზადებს. ლიონი ამ ეტაპზე მიქაუტაძის გაყიდვას არ გეგმავს, თუმცა, თუ 30 მილიონიან შეთავაზებას მიიღებს, დიდი ალბათობით ტრანსფერს დათანხმდება.

მიმდინარე სეზონში გიორგი მიქაუტაძემ ლიონის მაისური 27 შეხვედრაში მოირგო, 8 გოლი გაიტანა და 1 საგოლე გადაცემა გაიფორმა.