იტალიური კლუბი დარვინ ნუნიესის ტრანსფერზე მუშაობს — ლივერპულის პოზიცია ცნობილია

იტალიურ მედიაში გავრცელებული ინფორმაციის თანახმად, ლივერპულის თავდამსხმელმა, დარვინ ნუნიესმა შესაძლოა კარიერა სერია ა-ში გააგრძელოს.

ჯანლუკა დიმარციოს ცნობით, 26 წლის ურუგვაელი შემტევის ტრანსფერზე მილანი მუშაობს და პირველ შეთავაზებას ამზადებს. ლივერპულს ფეხბურთელის გაყიდვა სურს და მზად არის წინადადებები განიხილოს.

შეგახსენებთ, რომ დარვინ ნუნიესი ლივერპულის ღირსებას 2022 წლიდან იცავს და კლუბის მაისურით ჩატარებულ 143 შეხვედრაში 40 გოლი გაიტანა და 26 ასისტი გაიფორმა. მას მოქმედი კონტრაქტი 2028 წლის ზაფხულში ეწურება.