იურიჩი გაშვების პირასაა - ვის განიხილავს რომა ხორვატის შემცვლელად?

La Gazzetta dello Sport-ის ინფორმაციით, ვერონასთან წაგების (2-3) შემდეგ, რომას მთავარი მწვრთნელი, ივან იურიჩი დაკავებული თანამდებობიდან გათავისუფლების პირასაა.

კლუბის ხელმძღვანელები ხორვატი სპეციალისტის შემცვლელად ფრენკ ლამპარდსა და მასიმილიანო ალეგრის განიხილავენ. ამჟამად, ორივე მათგანი უმუშევარია.

გარდა ამისა, "ჯალოროსის" რადარზე პაულუ სოუზაცაა, რომელიც ალ აჰლის წვრთნის. თუ რომა არჩევანს მასზე შეაჩერებს, გამოსასყიდი თანხის გადახდა მოუწევს.

იურიჩი იტალიურ კლუბში სექტემბერში დაინიშნა, თუმცა სიტუაცია ვერ გამოასწორა. რომამ 11 მატჩში მხოლოდ 13 ქულა მოიპოვა და სერია A-ში მე-11 ადგილს იკავებს.