ავტორიზაცია
იუსუფა მუკოკოს აგენტი დორტმუნდიდან წასვლას აანონსებს
დორტმუნდის ბორუსიას ტალანტის, იუსუფა მუკოკოს აგენტი, პატრიკ უილიამსი საკუთარ კლიენტზე საუბრობს.
"იუსუფას ძალიან დიდი პოტენციალი აქვს, რაც, სამწუხაროდ, გასულ სეზონში ვერ აჩვენა. ვფიქრობ, ის ფაქტი, რომ მან 613 წუთში 5 გოლი გაიტანა, მის დონეზე მიუთითებს. ასეთი სტატისტიკა ბუნდესლიგის ბევრ ფეხბურთელს არ აქვს.
იუსუფას კონტრაქტის გაფორმებამდე ბევრ რამეს დაჰპირდნენ, მაგრამ არ შეუსრულეს. მას ყოველთვის თამაში და განვითარება სურდა - არაფერი სხვა, როგორც მედიაში იწერებოდა.
საქმე ფულში რომ იყოს, მუკოკოს სხვა მიმზიდველი შეთავაზებების მიღება შეეძლო, რა შემთხვევაშიც ის სამჯერ მეტს გამოიმუშავებდა.
საქმე ფულში რომ იყოს, მუკოკოს სხვა მიმზიდველი შეთავაზებების მიღება შეეძლო, რა შემთხვევაშიც ის სამჯერ მეტს გამოიმუშავებდა.
მედიას იუსუფა ყოველთვის ლუზერად გამოჰყავს. მას მხოლოდ თამაში უნდა და, თუ წასვლას სთხოვენ, გუნდს დატოვებს - პრობლემა არ გვაქვს.
საიდუმლო არაა, რომ ისეთი კლუბების დეფიციტი არაა, რომლებსაც იუსუფას შესაძლებლობების სჯერათ და მისი გაფორმება სურთ.
ჩემი აზრით, დორტმუნდი შეცდომას უშვებს. მწირი სათამაშო დროის პირობებში, ყველამ იცის, რომ მუკოკოს სატრანსფერო ფასი დაიწევს და ბორუსია ბევრს ვერ მოითხოვს.
გვინდოდა, ყველაფერი სხვანაირად ყოფილიყო, მაგრამ საფეხბურთო ბიზნესი ასეთია. იუსუფას მიზანი ნათელია - ის ფოკუსირებულია და იცის, რა უნდა გააკეთოს, რომ კარიერა აიწყოს.
საიდუმლო არაა, რომ ისეთი კლუბების დეფიციტი არაა, რომლებსაც იუსუფას შესაძლებლობების სჯერათ და მისი გაფორმება სურთ.
ჩემი აზრით, დორტმუნდი შეცდომას უშვებს. მწირი სათამაშო დროის პირობებში, ყველამ იცის, რომ მუკოკოს სატრანსფერო ფასი დაიწევს და ბორუსია ბევრს ვერ მოითხოვს.
გვინდოდა, ყველაფერი სხვანაირად ყოფილიყო, მაგრამ საფეხბურთო ბიზნესი ასეთია. იუსუფას მიზანი ნათელია - ის ფოკუსირებულია და იცის, რა უნდა გააკეთოს, რომ კარიერა აიწყოს.
ახლა ვარკვევთ, ჩვენი მომსახურებით ინგლისში, ესპანეთსა და საფრანგეთში ინტერესდებიან თუ არა," - განაცხადა აგენტმა.
იუსუფა მუკოკო დორტმუნდის აღზრდილია. ის პირველ გუნდში 2020 წლიდან ირიცხება, რა დროის განმავლობაშიც 99 მატჩი ჩაატარა, 18 გოლი გაიტანა და 8 ასისტი გააკეთა.
Transfermarkt-ი 19 წლის თავდამსხმელს €22 მილიონად აფასებს.
