ავტორიზაცია
იუვენტუსის ერთ-ერთმა ფეხბურთელმა წასვლა მოითხოვა, ტურინელები დი მარიას და კიდევ ერთ შემტევს უმიზნებენ
ტურინის "იუვენტუსის" ხელმძღვანელობა მიმდინარე ზაფხულის სატრანსფერო ფანჯარაზე მუშაობას აგრძელებს, წერენ იტალიურ მედიაში.
"ბიანკონერის" ერთ-ერთი მთავარი სამიზნე ანხელ დი მარიაა. კლუბი "პსჟ"-ს აწ უკვე ყოფილი შემტევი ნახევარმცველის გადაწყვეტილებას ელოდება, რომელიც შეიძლება უკვე ამ უქმეებზე მიიღოს.
გარდა ამისა, ტურინელებს "ბოლონიას" ფორვარდის, მარკო არნაუტოვიჩის გადაბირებაც სურთ. ეს ფეხბურთელი "იუვეს" მთავარ მწვრთნელს, მასიმილიანო ალეგრის ძალიან მოსწონს, კლუბი მის შეძენას კიდევ ერთხელ ეცდება.
ამავდროულად, "ბებერი ქალბატონის" ნახევარმცველმა, ადრიენ რაბიომ გუნდიდან გაშვება მოითხოვა, მას სამუშაო ადგილის შეცვლა უნდა.
ცნობისთვის, 27 წლის ფრანგ ფეხბურთელს "იუვენტუსთან" მოქმედი კონტრაქტის ვადა 2023 წლის 30 ივნისამდე აკავშირებს.
