იუვენტუსის ხელმძღვანელობა დე ლიგტის შემცვლელის ძიებაშია და მორიგი კანდიდატი შეარჩია

"იუვენტუსის" ხელმძღვანელობა მიმდინარე ზაფხულის სატრანსფერო ფანჯარაზე "ვილიარეალის" ცენტრალური მცველის, პაუ ტორესის გადაბირებით დაინტერესდა, წერს Sky Sport-ი.

ესპანეთის ეროვნული ნაკრების 25 წლის ფეხბურთელი "ბიანკონერის" შორტ ლისტში მოხვდა, რომელიც მატეის დე ლიგტის "ბაიერნში" შესაძლო წასვლისთვის ემზადება.

როგორც აღინიშნება, "ბებერ ქალბატონს" პირველ რიგში ახალი ცენტრალური მცველის პოვნა სურს, შემდეგ კი მიუნხენურ გრანდთან გარიგების დახურვა.

პოტენციურ ახალწვეულთა სიაში ფიგურირებენ კალიდუ კულიბალი ("ნაპოლი"), გლეისონ ბრემერი ("ტორინო"), გაბრიელი ("არსენალი"), ბენუა ბადიაშილე ("მონაკო"), ახლა კი პაუ ტორესიც. "იუვენტუსს" ყველაზე მეტად ბოლო ორი იზიდავს, რადგან ახალგაზრდები, ნიჭიერები, მაღლები და ცაციები არიან.

2021/22 წლების სეზონში პაუ ტორესმა ყველა ტურნირზე ერთად "ვილიარეალის" ღირსება 46 მატჩში დაიცვა, 6 გოლი გაიტანა და ერთი შედეგიანი გადაცემაც მიითვალა.

ვინ შეცვლის დე ლიგტს? — იუვენტუსის ბოსების სიაში რამდენიმე ცენტრალური მცველია