ავტორიზაცია
იუვენტუსის მორიგი გაძლიერება
მთელი ზაფხულის მანძილზე, იუვენტუსი ატალანტას ნახევარმცველის დამატებას ცდილობს. საუბარია ტეუნ კუპმეინერსზე. ბერგამოელთა კაპიტანი არ მალავდა იუვენტუსში წასვლის სურვილს. კლუბებმა ყველა დეტალი მოაგვარეს და ნიდერლანდელი ტიაგო მოტას გუნდს შეუერთდება. საუბარია 59 მილიონზე, რომელსაც ატალანტა მიიღებს. თავად ფეხბურთელი ''ზებრებთან'' 5 წლიან კონტრაქტს გააფორმებს.
მოტასთვის კუპმეინერსი მთავარი სამიზნე იყო. იტალიელ სპეციალისტს მაღალი დონის შემტევი ნახევარმცველი სურდა და იუვენტუსის ხელმძღვანელობამ ეს პირობაც შეასრულა.
კუპმაინერსი ატალანტას ღირსებას 2021 წლიდან მოყოლებული იცავდა, რა დროშიც ფეხბურთელმა 129 მატჩში მიიღო მონაწილეობა, 29 გოლი გაიტანა და 15 საგოლე გადაცემითაც გამოირჩა. ახლა კი ტეუნი ახალი გამოწვევისთვის ემზადება, ფეხბურთელს ტურინში სამედიცინო შემოწმების გასავლელად უკვე ელოდებიან.
