იუვენტუსს ჩელსის ფეხბურთელის დამატება სურს

ჩელსის პორტუგალიელი მცველი რენატუ ვეიგა, დაჟინებით მოითხოვს კლუბის დატოვებას. ბაზელიდან ჩელსიში გადასვლის შემდეგ ვეიგას ფაქტობრივად არ აქვს სათამაშო დრო და ამის გამო, მას სურს ახალი გამოწვევები და მეტი სათამაშო პრაქტიკა. ფეხბურთელის მიმართ დიდ ინტერესს დორტმუნდი გამოთქვამს, მაგრამ ჩელსი და გერმანული კლუბი საერთო ენის გამონახვას ვერ ახერხებენ.

ამის გამო ვეიგას მიმართ ინტერესსი იუვენტუსმა გამოთქვა. ტურინული გუნდი უკვე კარგა ხანია, ახალ ცენტრალურ მცველს ეძებს და ვეიგა მათთვის მისაღები ვარაინტია. ასევე იუვე ნიუკალსის მცველს ლოიდ კელის აკვირდება. იტალიურ გუნდს ორივე ფეხბურთელის იჯარით დამატება სურს.