ჯამალ მუსიალა ბაიერნთან ახალ კონტრაქტს გააფორმებს

გერმანული მედიის ცნობით, ჯამალ მუსიალას და ბაიერნს შორის შეთანხმება შედგა და ახალი კონტრაქტი გაფორმდება.

SkySportDE-ს ცნობით, 21 წლის გერმანელი შემტევი ნახევარმცველი რეკორდმაისტერში 2030 წლამდე დარჩება და ხელფასის სახით სეზონში 13 მილიონ ევროს მიიღებს.

შეგახსენებთ, რომ ჯამალ მუსიალა ბაიერნის ღირსებას 2020 წლიდან იცავს და კლუბის მაისურით ჩატარებულ 174 შეხვედრაში 50 გოლი გაიტანა და 35 საგოლე გადაცემა გაიფორმა.