ჯამალ მუსიალამ ბაიერნის შეთავაზებაზე უარი თქვა

Mirror Football-ის ინფორმაციით, ჯამალ მუსიალამ ახალ კონტრაქტზე ბაიერნის უახლესი შეთავაზება დაბლოკა.

გერმანელი ფეხბურთელი ხელფასის საგრძნობლად გაზრდას ითხოვს. წყაროს ცნობით, 21 წლის ნახევარმცველის მოთხოვნა კვირაში £300,000-იანი ანაზღაურებაა.

მუსიალას ამჟამინდელი ხელშეკრულება 2026 წელს იწურება. თუ მიუნხენური გრანდი ჯამალთან შეთანხმებას ვერ მიაღწევს, 2025 წელს მისი გაყიდვა მოუწევს, რათა ფეხბურთელი უფასოდ არ წავიდეს.

გერმანელის ტრანსფერით პრემიერლიგური კლუბები უკვე ინტერესდებიან.