ჯენოას ახალი მთავარი მწვრთნელი ჰყავს

იტალიურმა ჯენოამ საკმაოდ მოულოდნელი გადაწყვეტილება მიიღო. “გრიფონებმა“ თავისი გუნდის მწვრთნელი ალბერტო ჯილარდინო თანამდებობიდან გაათავისუფლეს. გადაწყვეტილება საკმაოდ უცნაურია, რადგან არანაირი წინაპირობა არ არსებობდა ჯილარდინოს გაშვების გუნდი ძალიან ლამაზ და შემტევ ფეხბურთს გვთავაზობდა. ჯენოა სატურნირო ცხრილში მეჩვიდმეტე ადგილზე იმყოფება, მაგრამ გუნდს ჯილარდინოს ხელში აშკარად ჰქონდა განვითარების და წინ სვლის საშუალება. 

იტალიელის შემცვლელის ვინაობა სწრაფადვე გახდა ცნობილი, იტალიურ კლუბს დღეიდან ფრანგული ფეხბურთის ლეგენდა პატრიკ ვიეირა ჩაიბარებს. ვიეირასთვის ეს პირველი გამოცდილება იქნება იტალიაში მწვრთნელის რანგში, უკანასკნელი კლუბი, რომელსაც არსენალის ლეგენდა წვრთნიდა ფრანგული სტრასბურგი იყო, რომელიც 4 თვის წინ დატოვა. ვიეირას მთავარი მიზანი ჯენოას სერია A-ში დატოვება იქნება.