ჯო ბაიდენი ლიონელ მესის საპრეზიდენტო მედლით დააჯილდოებს

არგენტინის ეროვნული ნაკრების და ინტერ მაიამის ლიდერი, ლიონელ მესი აშშ-ის პრეზიდენტისგან უმაღლეს ჯილდოს მიიღებს.

CBSNews-ის ცნობით, ჯო ბაიდენი 37 წლის არგენტინელ ფეხბურთელს თავისუფლების საპრეზიდენტო მედლით დააჯილდოებს, რაც აშშ-ში სამოქალაქო პირებისთვის უმაღლესი ჯილდოა.

შეგახსენებთ, რომ ლიონელ მესი ინტერ მაიამის ღირსებას 2023 წლიდან იცავს და კლუბის მაისურით ჩატარებულ 39 შეხვედრაში 34 გოლი გაიტანა და 18 საგოლე გადაცემა გაიფორმა.