კალიარი ინტერიდან ნაინგოლანის შესყიდვას გეგმავს

"კალიარი" "ინტერის" ნახევარმცველის, რაჯა ნაინგოლანის შესყიდვას გეგმავს, წერს ჟურნალისტი, ნიკოლო სკირა.

33 წლის ბელგიელს სარდინიელები 2-3-წლიან კონტრაქტს შესთავაზებენ. ამ დროის განმავლობაში იგი დაახლოებით 5 მილიონ ევროს გამოიმუშავებს.

თავის მხრივ, "ინტერი" მზად არის ნახევარმცველს დაახლოებით 5-6 მილიონად შეელიოს.

2020/21 წლების სეზონი ნაინგოლანმა "კალიარიში" იჯარით ითამაშა - 22 მატჩი, 1 გოლი.