კალცონა: "კვარაცხელია? ის განსაკუთრებული ფეხბურთელია"

სერია ა-ს 28-ე ტურში ნაპოლიმ ტორინო მიიღო და ფრეს (1-1) დასჯერდა. მატჩის შემდეგ, ნეაპოლური კლუბის მთავარმა მწვრთნელმა, ფრანჩესკო კალცონამ ხვიჩა კვარაცხელიაზე ისაუბრა.

"კვარაცხელია? ის განსაკუთრებული ფეხბურთელია. აქ მოსვლის დღიდან მას ბოლომდე ვენდობოდი და ყოველთვის ვეუბნებოდი, რომ მოედანზე ის გაეკეთებინა რაც ყველაზე კარგად გამოსდის."

"ბარსელონასთან მატჩისთვის ჩვეულებრივად ვემზადებით და რა თქმა უნდა ესპანეთში მოსაგებად ჩავალთ - ძლიერი გუნდი გვყავს და ჩვენი თამაში უნდა ვითამაშოთ" - განაცხადა ფრანჩესკო კალცონამ.

ტორინოსთან მატჩში ხვიჩა კვარაცხელიამ 61-ე წუთზე გოლი გაიტანა და sofascore-სგან 8 ქულიანი შეფასება დაიმსახურა, რაც გუნდში საუკეთესოა.