კამავიგნას მანჩესტერში თამაში არ სურს - ფრანგს სხვა პრიორიტეტი აქვს

„რენის“ ნახევარმცველს ედუარდო კამავინგას „მანჩესტერ იუნაიტედში“ გადასვლა არ სურს.

Manchester Evening News-ის ინფორმაციით, „იუნაიტედი“ მისი გადაბირებით აქტიურად ინტერესდება და ფეხბურთელის აგენტებს ამის შესახებ შეატყობინა.

თუმცა, პასუხი ასეთი იყო: კამავინგას „მანჩესტერ იუნაიტედში“ და ზოგადად პრემიერ ლიგაში თამაში არ სურს. 

18 წლის ფრანგს სხვა პრიორიტეტები აქვს: ის მადრიდის „რეალში“ თამაშზე ოცნებობს და მზადაა, კონტრაქტის ამოწურვას დაელოდოს, რათა მომავალ ზაფხულს „სანტიაგო ბერნაბეუზე“ უფასოდ გადაბარგდეს, რადგან წელს „რეალი“ ფეხბურთელებში დიდი თანხების დახარჯვას ვერ ახერხებს.

თავის მხრივ, „რენს“ მისი უფასოდ დაკარგვა არ სურს და მზადაა, წელს გაყიდოს - გამომდინარე იქიდან, რომ „რეალი“ წელს გამოირიცხა, რჩება ორი ვარიანტი: „პსჟ“ და „მანჩესტერ იუნაიტედი“.