კაპელომ კვარა გააკრიტიკა: "მისი საქციელი ლამაზი არ იყო და არ მომეწონა"

ჩემპიონთა ლიგის 1/8 ფინალში ნაპოლი, საკუთარ მოედანზე, ბარსელონას დაუპირისპირდა და ფრედ, 1:1 ითამაშა.

მატჩის შემდეგ იტალიელმა სპეციალისტმა ფაბიო კაპელომ კომენტარი გააკეთა და ხვიჩა კვარაცხელია გააკრიტიკა.

"კვარაცხელია? მისი საქციელი ლამაზი არ იყო და არ მომეწონა. როცა გცვლიან და მოედნიდან გადიხარ, მოედანზე შემომსვლელ თანაგუნდელს ხელი უნდა გაუწოდო, რაც მან არ გააკეთა. არადა, ასეთ დროს, კვარაცხელია სხვებისთვის მაგალითი უნდა იყოს", - განაცხადა კაპელომ.