კაპიტანი ფორმაშია! - კანკავა თვის საუკეთესო მოთამაშედ დაასახელეს

"ვალანსიენის" საყრდენი ნახევარმცველი, ჯაბა კანკავა თავის გუნდში თებერვლის თვის საუკეთესო ფეხბურთელად დაასახელეს.

შეგახსენებთ, ქართველი ჩამშლელი ო-დე-ფრანსელებს შეუერთდა იანვრის სატრანსფერო ფანჯრის პერიოდში, თავისუფალ აგენტად.

"წითლებში" გადმოსვლის შემდეგ, მისი მონაგარი შეადგენს ცხრა შეხვედრას (რვა ლიგა 2-ში, ერთიც საფრანგეთის თასზე) და მოედანზე გატარებულ 804 წუთს.

რაც შეეხებათ უშუალოდ ნორელებს, ლიგა 2-ში ჩატარებული 27 მატჩის შემდეგ, აღნიშნული გუნდი 36 ქულით მერვე ადგილზეა.

შეგახსენებთ, წლების წინ, ოლივიე გიგანის გუნდის ექვსიანი იცავდა "რეიმსის" ღირსებას და ის ამ გუნდთან ერთად ლიგა 1-შიც თამაშობდა.