კარიერის მთავარი მომენტის გასახსენებლად — რამოსმა ახალ კლუბში ნომერი აირჩია

38 წლის ესპანელი ახალ კლუბს უკვე შეუერთდა და სათამაშო ნომერი აირჩია. სერხიო რამოსი მონტერეიში 93 ნომრიანი მაისურით ითამაშებს — სწორედ 93-ე წუთზე შეძლო მან 2014 წლის ჩემპიონთა ლიგის ფინალში ატლეტიკოს კარის აღება და ანგარიშის გათანაბრება, რის შემდეგაც სამეფო კლუბმა დამატებით დროში მოიგო.

შეგახსენებთ, რომ სერხიო რამოსი მადრიდის რეალის ღირსებას 2005-21 წლებში იცავდა და 671 შეხვედრაში 101 გოლთან ერთად 40 ასისტი გაიფორმა. ესპანელმა ცენტრალურმა მცველმა სამეფო კლუბთან ერთად 22 ტიტული, მათ შორის 4 ჩემპიონთა ლიგის თასი მოიგო.