ავტორიზაცია
კარლო ანჩელოტი: კროოსს ვუთხარი, რომ მისი გადაწყვეტილების შეცვლას ველოდებით
მადრიდის რეალის მთავარი მწვრთნელი, კარლო ანჩელოტი იმედოვნებს, რომ ტონი კროოსი კარიერის დასრულებას გადაიფიქრებს.
"კროოსის ნამდვილად მადლიერი ვარ. მან კარიერა უმაღლეს დონეზე ყოფნისას დაასრულა - ფეხბურთიდან ამაზე მაღალ დონეზე წასვლა არ არსებობს. ტონიმ ასეთი გამბედაობა გამოიჩინა. ქომაგები მის დამოკიდებულებასა და პროფესიონალიზმს ძალიან აფასებენ.
ტონის ვუთხარი, რომ ველოდები, გადაწყვეტილებას როდის შეცვლის. თუმცა, სამწუხაროდ, აშკარაა, რომ გერმანელმა თავისი მომავალი მტკიცედ გადაწყვიტა და გადაწყვეტილებას აღარ შეიცვლის. ამიტომაც, რეალი მის ჩანაცვლებაზე იზრუნებს.
მნიშვნელოვანი ფეხბურთელი დავკარგეთ, მაგრამ გვყავს მოთამაშეები, რომლებსაც მისი შეცვლა შეუძლიათ. მათი წყალობით ახალ რეალობასთან ადაპტაციის გავლას შევძლებთ და გვაქვს რესურსი, რომ კვლავ კონკურენტუნარიანი გუნდი ვიყოთ", - ციტირებს იტალიელი სპეციალისტის სიტყვებს ESPN.
ტონი კროოსი დორტმუნდთან ფინალის შემდეგ საკლუბო ფეხბურთს დაემშვიდობა, ევრო 2024-ის დასრულებისთანავე კი ბუცებს ლურსმანზე საბოლოოდ დაკიდებს.
