კატასტროფა ბარსელონასთვის - არაუხო კლასიკოს გამოტოვებს და შესაძლოა, ვერც მსოფლიო ჩემპიონატზე ითამაშოს

ირანთან გუშინდელ შეხვედრაში, ურუგვაის და „ბარსელონას“ მცველმა, რონალდ არაუხომ ტრავმა მიიღო.

ახალგაზრდა ცენტრალური მცველი მატჩის საწყის წუთებშივე შესაცვლელი გახდა და „ბარსელონას“ გულშემატკივრები ფეხბურთელის მდგომარეობაზე აღელვდნენ.

როგორც Catalunya Radio იტყობინება, არაუხოს ტრავმა საკმაოდ სერიოზულია და მან შესაძლოა ნოემბერ-დეკემებრში გასამართი მსოფლიო ჩემპიონატიც გამოტოვოს.

თავდაპირველი შემოწმების შედეგად, „ბარსელონას“ მცველს 6-7 კვირა გაუცდება და ეს ფაქტი არაუხოს მუნდიალზე მონაწილეობასაც ეჭვქვეშ აყენებს.

ამ ეტაპზე, „ბარსელონა“ ექიმებთან ერთად გადის კონსულტაციას, ღირს თუ არა ფეხბურთელისთვის ოპერაციის გაკეთება და რამდენად შედეგიანი იქნება კონსერვატიული მკურნალობა, თუ ქირურგიული ჩარევა არ გადაწყდა.

ამრიგად, გადაწყვეტილი ამბავია, რომ არაუხო „ბარსელონას“ 16 ოქტომბერს გასამართ ელ კლასიკოს გამოტოვებს.
 

გრიზმანის ფილმის გადაღების გამო, ბარსელონა პიკეს სოლიდური თანხით დაჯარიმებას უპირებდა