კატასტროფა კოპა ამერიკაზე - კორონავირუსი 4 ნაკრებში 41 ადამიანს დაუდასტურდა

ბრაზილიაში მიმდინარე კოპა ამერიკაზე მონაწილე ნაკრებებში, კორონავირუსმა იფეთქა.

როგორც ბრაზილიის ჯანდაცვის სამინისტრო აცხადებს, წინა კვირაში 2927 ტესტი ჩატარდა ფეხბურთელებს და გუნდების პერსონალს შორის.

შედეგად, დადებითი პასუხი 41-მა ტესტმა აჩვენა. მინიმუმ 20 დადებითი პასუხი ფეხბურთელებისგან არის მოსული, თუმცა ინფიცირებული მოთამაშეების ზუსტ რიცხვს სამინისტრო არ ასაჯაროვებს. ცნობილია ის, რომ ინფექციამ 4 ნაკრები მოიცვა.

ასევე ცნობილია ისიც, რომ 41 დადებითი შემთხვევიდან 31 - ფეხბურთელები და გუნდების თანამშრომლები არიან, დანარჩენი 10 კი - მომსახურე პერსონალი.

დიდი ალბათობით, საუბარია ვენესუელაზე (გავრცელდა ინფორმაცია 10 ინფიცირებულზე), ბოლივიაზე (4-5 ინფიცირებული) და ასევე კოლუმბიასა და პერუზე.

შეგახსენებთ, რომ თავდაპირველად, კოპა ამერიკა კოლუმბიასა და არგენტინაში უნდა ჩატარებულიყო. თუმცა, ამ ქვეყნებში რთული ეპიდვითარების გამო, ტურნირი ბრაზილიაში გადაიტანეს, რომლის ფეხბურთელებსაც ტურნირში მონაწილეობა საერთოდ არ სურდათ და გაპროტესტებაც სცადეს, თუმცა არაფერი გამოუვიდათ.

VIDEO: მესის ლამაზი ჯარიმა, თუმცა არგენტინამ კოპა ამერიკის მატჩში მაინც ვერ იმარჯვა