ავტორიზაცია
კევინ დე ბრუინი: საუდის არაბეთი? ამ ასაკში არაფერი უნდა გამოვრიცხო
მანჩესტერ სიტის ნახევარმცველმა, კევინ დე ბრუინმა მომავალში საუდის არაბეთში გადაბარგება არ გამორიცხა.
"საუდის არაბეთი? ამ ასაკში კარი ყველაფრისთვის ღია უნდა დატოვო. კარიერის მიწურულს გასაოცარ თანხებზეა საუბარი - ამაზე უნდა დაფიქრდე. ჩემი ცოლისთვის ეგზოტიკური თავგადასავალი მისაღებია. მომავალზე უნდა ვიფიქრო.
თუ საუდის არაბეთში 2 წელი ვითამაშებ, წარმოუდგენელ თანხას გამოვიმუშავებ... 15 წელია, ფეხბურთს ვთამაშობ და, შესაძლოა, ამდენი ფული ჯერ კიდევ არ მიშოვია", - განაცხადა ბელგიელმა ვარსკვლავმა HLN.BE-სთან ინტერვიუში.
დე ბრუინი 32 წლისაა, მანჩესტერ სიტისთან კონტრაქტი კი 2025 წლის 30 ივნისამდე აკავშირებს.
