ხავიერ ერნანდესი: "გასული წელი ჩემთვის რთული იყო, ღრმა დეპრესიაში ვიყავი"

"მანჩესტერ იუნაიტედის" ყოფილმა ფეხბურთელმა, ხავიერ ერნანდესმა (ჩიჩარიტო) ფსიქოლოგიური პრობლემების შესახებ ისაუბრა, რომლებსაც გასულ წელს წააწყდა.

მოგეხსენებათ, ამ დროისთვის, 33 წლის მექსიკელი ფეხბურთელი "ლოს ანჯელეს გელექსის" ღირსებას იცავს.

"ახლა ყველაფერი კარგად მაქვს, ბედნიერი ვარ. მიხარია, სადაც ვარ. გასული წელი ჩემთვის რთული იყო. ღრმა დეპრესიაში ვიყავი. ბაბუა გარდამეცვალა, შემდეგ კი ჩემს ცხოვრებაში შეიქმნა ისეთი ვითარებები, რომლებსაც რამენაირად უნდა გავმკლავებოდი, ამიტომაც ცუდ მდგომარეობაში აღმოვჩნდი".

"შემდეგ თავს მსხვერპლად აღარ ვგრძნობდი, საკუთარ თავზე პასუხისმგებლობა ავიღე, ჩემს ცხოვრებაზე, გარკვეული გადაწყვეტილებები მივიღე და უბრალოდ გადავწყვიტე აწმყოში მეცხოვრა, ცხოვრებით სიამოვნება მიმეღო და დავკავებულიყავი იმით, რაც ყველაფერზე მეტად მიყვარს, - ფეხბურთის თამაშით", - ციტირებს ერნანდესის სიტყვებს "ემიუს" ოფიციალური საიტი.

MLS-ის ჩემპიონატის მიმდინარე გათამაშებაში ჩიჩარიტომ 10 შეხვედრაში მიიღო მონაწილეობა, 10 გოლი გაიტანა და 2 შედეგიანი პასი გააკეთა.

ჩიჩარიტო: "ფერგიუსონთან პირველი შეხვედრის შემდეგ მივხვდი, რომ მზად ვარ მისთვის მოედანზე მოვკვდე"