ხეფრენ ტურამი იუვენტუსში ითამაშებს

ფაბრიციო რომანოს ცნობით, იუვენტუსმა ხეფრენ ტურამის ტრანსფერი შეათანხმა! კლუბებმა €20 მილიონზე (პლუს €25 მილიონი ბონუსებით) ვერბალურ შეთანხმებას მიაღწიეს.

ფრანგი ფეხბურთელი იტალიურ გრანდთან 5-წლიან კონტრაქტს გააფორმებს, ხოლო მისი ხელფასი სეზონში €2.5 მილიონი იქნება. მხარეები დოკუმენტებს გაცვლიან, შემდეგ კი ტურამი სამედიცინო შემოწმებას გაივლის.

აღსანიშნავია, რომ ხეფრენი საფრანგეთის ოლიმპიური ნაკრების შემადგენლობას ტოვებს, რადგან იუვე მას ოლიმპიადაზე თამაშის უფლებას არ აძლევს. ეს ინფორმაცია ტიერი ანრიმ დაადასტურა, რომელიც ოლიმპიურ გუნდს წვრთნის.

ტურამი მონაკოს აღზრდილია, 2019 წლიდან კი ნიცაში თამაშობს.