ავტორიზაცია
ხელმძღვანელობა გამოსასყიდი თანხის გადახდას დათანხმდა — პსჟ-ს მალე ახალი მწვრთნელი ეყოლება
"ნიცას" მთავარი მწვრთნელი, კრისტოფ გალტიე "პარი სენ ჟერმენის" ჩაბარებასთან ახლოს არის, იუწყება RTL-ის ჟურნალისტი, ფაბრის ჰოკინსი.
გავრცელებული ინფორმაციით, პარიზელები 55 წლის ფრანგი სპეციალისტის გამოსასყიდი თანხის გადახდას დათანხმდნენ (საუბარია 10 მილიონ ევროზე).
თავის მხრივ, "ნიცას" დამრიგებლის თანამდებობაზე გალტიეს ლუსიენ ფავრი შეცვლის, რომელსაც პროვანსელები უკვე გაუწვრთნია - გუნდს 2016 წლის 1 ივლისიდან 2018 წლის 30 ივნისამდე ედგა სათავეში.
როგორც აქამდე გახდა ცნობილი, "პსჟ" გუნდის ამჟამინდელ თავკაცს, მაურისიო პოჩეტინოს კონტრაქტს გაუწყვეტს და მის სამწვრთნელო შტაბს კომპენსაციის სახით საერთო ჯამში დაახლოებით 20 მილიონს გადაუხდის.
მოგეხსენებათ, 2020/21 წლების სეზონში გალტიე "ლილს" წვრთნიდა და საფრანგეთის ჩემპიონატის ტიტულიც მოიგო.
