ხოსელუ: ვიმედოვნებ, პარასკევის მატჩი კროოსისთვის უკანასკნელი იქნება

ესპანეთი ევროპის ჩემპიონატის მეოთხედფინალში გერმანიას დაუპირისპირდება.

აღნიშნულ მატჩთან დაკავშირებით ხოსელუ მატომ საინტერესო კომენტარი გააკეთა და ტონი კროოსს კარიერის დასრულება უსურვა.

კროოსი ჩემი მეგობარია, მას ჩემთვის ბევრი რჩევა მოუცია. ტონი გერმანიისთვის ფუნდამენტური მოთამაშეა და რეალისთვისაც მნიშვნელოვანი იყო. პარასკევს მის წინააღმდეგ ფრთხილად უნდა ვიყოთ," - განაცხადა ესპანელმა.

ტონი კროოსმა ხოსელუს ასე უპასუხა: "მან ეს იმიტომ თქვა, რომ მოგება სურს. ხოსელუს ნათქვამი სახალისოა. არ ვფიქრობ, რომ პარასკევს ბოლო მატჩს ჩავატარებ. ალბათობა, რომ ესპანეთთან შეხვედრა, შესაძლოა, ჩემთვის უკანასკნელი იყოს, წნეხს არ მიქმნის. ბოლომდე მაქსიმუმ გავიღებ. ბედნიერი ვარ."

კროოსი და ხოსელუ რეალში გასულ სეზონში თანაგუნდელები იყვნენ. ევრო 2024-ის შემდეგ გერმანელი საფეხბურთო კარიერას დაასრულებს, ესპანელი კი კატარულ ალ გარაფაში გადავიდა.